Missæ defunctorum
Alleluia et versus ante Evangelium
- Cf. Mt 11, 25
R/. Allelúia.
V/.
Benedíctus es, Pater, Dómine cæli et terræ,
quia mystéria regni párvulis revelásti.R/. Allelúia.
- Mt 25, 34
R/. Allelúia.
V/.
Veníte, benedícti Patris mei, dicit Dóminus;
possidéte parátum vobis regnum a constitutióne mundi.R/. Allelúia.
- Io 3, 16
R/. Allelúia.
V/.
Sic diléxit Deus mundum, ut Fílium suum unigénitum daret;
omnis, qui credit in eum, habet vitam ætérnam.R/. Allelúia.
- Io 6, 39
R/. Allelúia.
V/.
Hæc est volúntas Patris mei,
ut omne, quod dedit mihi, non perdam ex eo,
sed resúscitem illud in novíssimo die, dicit Dóminus.R/. Allelúia.
- Io 6, 40
R/. Allelúia.
V/.
Hæc est volúntas Patris mei,
ut omnis, qui credit in Fílium, hábeat vitam ætérnam;
et resuscitábo ego eum in novíssimo die, dicit Dóminus.R/. Allelúia.
- Io 6, 51
R/. Allelúia.
V/.
Ego sum panis vivus, qui de cælo descéndi, dicit Dóminus;
si quis manducáverit ex hoc pane, vivet in ætérnum.R/. Allelúia.
- Io 11, 25a. 26
R/. Allelúia.
V/.
Ego sum resurréctio et vita, dicit Dóminus;
qui credit in me non moriétur in ætérnum.R/. Allelúia.
- Cf. Phil 3, 20
R/. Allelúia.
V/.
Conversátio nostra in cælis est,
unde étiam salvatórem exspectámus
Dóminum nostrum Iesum Christum.R/. Allelúia.
- 2 Tim 2, 11-12a
R/. Allelúia.
V/.
Si commórtui sumus cum Christo, et convivémus;
si sustinémus, et conregnábimus.R/. Allelúia.
- Ap 1, 5a. 6b
R/. Allelúia.
V/.
Iesus Christus est primogénitus mortuórum;
ipsi glória et impérium in sǽcula sæculórum. Amen.R/. Allelúia.
- Ap 14, 13
R/. Allelúia.
V/.
Beáti mórtui, qui in Dómino moriúntur;
requiéscant a labóribus suis;
ópera enim illórum sequúntur illos.R/. Allelúia.